Åshild
Er utdanna sjukepleiar og har arbeidt som det i 30 år. Etter kvart vart hobbyen så altoppslukakande at det kom til eit skifte. Dagleg pendling til KIB ,Kunstskulen i Bergen, vart den nye kvardagen i 2 år, deretter studiar i kunsthistorie ved Folkeuniversitetet i Hordaland. Mangeårig arbeid i Voss Kunstlag, både som styremedlem og leiar, har også gjeve nyttig lærdom og mange spennande utfordringar. Likeså Vossaskulen for Biletkunst som årleg har vore til stor inspirasjon gjennom sine dyktige lærarar.
Utdanning:
2011 Fotokurs: Nils Olav Mevatne
2010 Morten Krogvold Workshop
2011 Vossaskulen for Biletkunst v/ Helga Bu
2010 Vossaskulen for Biletkunst v/ Helga Bu
2009 Vossaskulen for biletkunst v/ Thomas Pihl
2008 Vossaskulen for biletkunst v/ Thomas Pihl
2007 Vossaskulen for biletkunst v/Thomas Pihl
2006 Vossaskulen for biletkunst v/Thomas Pihl
2005 Vossaskulen for biletkunst v/Thomas Pihl
2003 Vossaskulen for biletkunst v/Tomas Ramberg
2001 Vossaskulen for biletkunst v/Kira Wager
2003 - 2004
Kunsthistorie v/ Folkeuniversitetet i Hordaland
2000 - 2002
KIB Kunstskolen i Bergen
1998 - 99
Elsa Ekaas sin kunstskole
Elev under: Gerd Franzen, Käte Elin Madsen,
Hannu Kontinen
1970 - 73 Bergen Diakonissehjems sykepleierhøgskole
Arbeidsprosessen:
Eg arbeider både med akryl og oljemåling, men dei siste åra har foto, optimalisert og bearbeidd i photoshop, blitt ein større del av uttrykket mitt. Samstundes er eg glad i pensel og spor etter handtverk, så mange av arbeida er ein kombinasjon mellom foto og akrylmåling.
Eg arbeider ofte i seriar, fordi eitt bilete føder eit anna. Eg fullfører aldri eitt og eitt bilete, ofte er 10 bilete i arbeid samstundes. Dette har også med tørkeprosessar å gjere.
Bileta er bygd opp med mange lag.Det gjennomskinlege der ein kan ana ting som ligg bak har alltid fasinert. Begynnelsen er ofte svært detaljert, så kjem forenklingsprosessen etter kvart. Dess reinare flate i det ferdige bilete, dess fleire detaljar ligg truleg gøymt i laga under. Det er ein arbeidskrevande prosess å finna dei enklaste formene.
Det handlar også om å undersøkje og utforske. Virkemiddel, underlag, malemedium og formale problemstillingar.
Å bli ein god kunstnar er ikkje noko ein kan lesa seg til. Det er ein langsam prosess som må erfarast og modnast over tid. Kanskje når ein aldri målet.
Eg er enno i startgropa, heldigvis er vegen mot målet interessant og verdifull i seg sjølv.